Programa honen xedea haur minbiziduna bere ingurunera birmoldapena erraztuko duen ekintzak aurrera eramatea da. Bere garapena bultzatuaz talde ireki batean: minbizidunak eta ez minbizidunak.

Badakigu haur minbizidunen arteko esperientzi elkarbanaketa eta elkarbizitzak beraien egoera animikoan eragin positiboa izaten duela eta orohar bere sendakuntzarako. Familiak (anai-arrebak, gurasoak…) emozionalki gaizki pasatzen dute  eta ezin dute aisialdi une ohikoaz gozatu,  beraz behar dute ekintza ludikoetan parte hartu.

Helburuak:

  • Ospitaleko egonaldi iraunkorrek haurrarengan sortu dezakeen bakartze sozialaren ondorioak gutxiagotu, depresio sentimenduak ekidituaz.
  • Haur minbizidunen eta ez minbizidunen artean laguntasuna, bizikidetza eta errespetua bultzatu.
  • Aisialdi eta atsetsingarri diren ekintzetan haur minbizidunaren sormena eta partehartzea bultzatu.
  • Haur minbizidunari eta bere familiari une atsegingarriak eskaini.
  • Famili arteko harremana eta elkarlaguntza bultzatu.

 

Ekintzak:

Ospitalean:

      Haur festak, bisita bereziak (pailazoak….) ..

       Material ludiko banaketa ( Errefrijerazio likido sistema daramatzaten ordenagailu portátil eta disko multimediak… )

      Gabonetako Postal Lehiaketa.

      Bolondres zerbitzua: Familiek eskatuta.

Ospitaletik kanpo:

      Irteera eta familia bidaiak.

      Urteroko UMEEKIN –eko (Haur Minbizidun Gurasoen  Euskal Federakundea )topaketa. 


INFORMAZIOA, HEDAPENA ETA ELKARTASUNA:

 

Gaur egun, gure gizartean haur minbizia hitz debekatutzat hartzen da, sentimendu ezberdinak sortzen dituelako: bildurra, sufrimendua eta ondorio txarrekin erlazionatzen dugu. Egoera hau kontutan izanik, elkarteak ezagupen kanpainak eta informazio-elkartasun ekitaldiak antolatzen ditu Gipuzkoako puntu ezberdinetan. Haur minbizidunen familiei eta gizarte osoari doa zuzendua programa hau, haur minbiziaren diagnostikuaren aurrean familietan zalantzak sortzen dira eta hauei erantzun bat ematen saiatzen gara.

 Lortu nahi ditugun helburuak:

 Haur minbizidunaren errealitatea eta itsaropenak ezagutzera eman.

  • ASPANOGI eta bere lana ezagutzera eman.
  • Arazo honen aurrean herritarren parte hartze arduratsua bultzatu.

  Ekintzak:

  1. Dibulgazio eta bibliografia materiala banatu eta hedatu.
  2. Haur Minbizidunaren Nazioarteko Eguna.
  3. Haur Minbizidunari Arreta Osoari buruzko jardunaldiak.
  4. Elkartasun hitzaldiak ( ikastetxeak…).
  5. Informazio eta elkartasun ekintza bereziak: Mobi Bike Eguna, kirol frogak (Endurance Nordic walking Meeting…)

Hedapen kanpaina:

Elkarteak, dibulgazio eta bibliografia materiala (liburuxka eta triptikoak…) du famili eta gizartearentzat eskuragarri, hauek gune ezberdinetan banatzen dira: elkartegunea, Donostiako ospitalea, ikastetxeak, osasun etxeak, udaletxeak… eta informazio-elkartasun ekintzak izaten diren lekuetan.

 

Era berean,   elkarteak, diru iturriak lortzeko,  dibulgazio materiala (elkartasun pultserak…) jartzen du salmentan 


Haur minbizidunaren diagnostikuak familien ekonomian eragina izaten du.  Gurasoek  baimenak, jardunaldi murrizketa edo lan uzteak eskatu behar dituzte seme-alaba bat zaintzeko ospitalean eta etxean, gaixotasunaren ondorioz  ohiko ez diren gastuak sortzen diren unean.

 

Ospitalean maiz ingresatzeak, jaki  eta garraio gastuak sortarazten die familiei. ASPANOGI-k  sortu zenetik bazkari txartelak ematen dizkio gaixoarekin egoten den zaintzaileari. Badakigu, gurasoak uneoro egon behar dutela seme-alaba zaintzen eta honek ez diete ia gelatik ateratzen uzten. Zaintzailea zaintzea xede izanik, bazkari txartelak ematen jarraitzen  dugu

 

Bazkari laguntzak Donostiako ospitalean tratamendua jasotzen ari diren haur minbizidunen familiei ematen zaizkie, baita ere, Euskal Herri Erkidegoko ospitaletara joan behar dutenei.

 

Laguntza ekonomikoak ematen dira egoera ekonomiko larrian dauden familiei: kanpora joan behar dutenak  tratamendua edo hezur muinaren transplanterako, probintzi barruko erreferentziazko ospitalean daudenei, ortopedia edo protesi berezi bat erosi behar dutelako (Osakidetzako katalogoan agertzen ez direnak) edo osakidetzak ordaintzen ez dituen medikamentu edo tratamendu bereziak ordaindu ahal izateko. Egoeraren, giza-ekonomi balorapena egiten da. 


Hezkuntza eremuari dagokionez, elkarteak egiten duen lana  honakoan oinarritzen da :

 

  • Hezkuntza Saileko etxez etxeko laguntza pedagojiko zerbitzuaren berri ematea  familiari eskaera egiten lagunduaz ( pediatra onkologo eta ikastetxeeekin harremanetan jarriaz )

 

  • Zuzeneko koordinaketa ospitaleko andereño , etxez etxeko irakasle ibiltariekin  eta  Ospitaleko, Etxeko eta  Arreta Terapeutiko-Hezigarrirako Gipuzkoako Lurralde Zentroko zuzendariarekin  minbizidun haurrak segi dezan bere heziketarekin bai ospitalean eta etxean , etorkizun batean ikastetxerako buelta prestatuaz.

 

  Minbizia kasuak dauden ikastetxeekin harremana dugu eta beraien informazio beharrei erantzun bat ematen saiatzen gara bibliografi materialaren laguntzaz

( Irakasleentzako gida , minbiziari eta tratamenduei buruzko ipuinak ) eta hitzaldiak ematen dira gelakideentzat .

 

Ospitaleko, Etxeko eta Arreta Terapeutiko-Hezigarrirako Gipuzkoako Lurralde Zentroa 07-08 ikasturtean sortzen da, Eusko Jaurlaritzako Hezkuntza, Unibertsitate eta Ikerketa Sailak 266/2006 DEKRETUA, abenduaren 26koan oinarrituta. 


 

Diagnostiku berria bat egoten den une beretik eta beti ere osasun pertsonalarekin (pediatra onkologoak, erizainak, laguntzaileak etab…) koordinatuaz, ASPANOGI-ko gizarte laguntzailea ospitaleko bisiten bidez haurrarekin eta bere familiarekin jartzen da harremanetan. Une horretan hasten da giza eta emozio euskarria, gaixotasunaren diagnostikutik hasita momentu guztietan egongo den laguntza.

Gizarte arreta programaren helburua familien beharrei eta beraien bizitzaren normalkuntzarako banakako eta personal arreta eskaintzea da. Gaixotasunak familia, hezkuntza, ekonomia-lan eta giza arloan eragina izaten du, kontutan izan behar direnak gizarte laguntzako ekimenean.

Gizarte laguntza jarduerak:

  • Gurasoen  arreta eta jarraipena (ospitalean, egoitzan, etxeko bisitak…).
  • Elkarteko zerbitzu eta baliabiden berri eman.
  • Elkartekide diren familien  behar eta eskaerak luzatu elkarteari eta erakunde publikoei.
  • Erakunde publikoetako baliabide eta zerbitzuen berri eman, aholkatu eta kudeaketan lagundu (hezkuntza arloan , lana, gizarte zerbitzuak…)
  • Elkarteko psikologarekin koordinaketa eta familien deribazioa.
  • Koordinaketa Donostia ospitaleko mediku, erizain eta irakasleekin haur gaixoari eta bere zaintzaileari ospitaleko egonaldietan arreta osoa eskaintzeko.
  • Egoera berean dauden familien arteko harremana eta elkarlaguntza bultzatu.
  • Haur minbiziarekin zerikusia duten adituekin (gizarte laguntza, psikologia, lan eta osasun arloan) koordinaketa gaixoei arreta oso bat eskaintzeko.
  • Euskal Autonomia erkidegotik kanpora doazen familiei laguntza eman ahal izateko (ostatuaren kudeaketa egiteko.. )gurasoen elkarteetako adituekin koordinaketa eta deribazioa. Euskal Erkidegoan, Gurutzeta ospitaletik(Bilbo) gertu,  gurasoentzako dohainik den pisu bat dago, Bizkaiko elkarteak egiten du kudeaketa.
  • Hezkuntza arloan informazioa, aholkamendua eta sentsibilizazioa: informazio materiala utzi, gelakide eta irakasleentzat hitzaldiak….
  • Ospitaleko eta etxeko boluntarioen prestakuntza.
  • Informazioa eta elkartasuna.